තුරු හිස මඳ නල සිඹමින්නේ - තාලෙට රඟ දෙන්නේ
මල් ගොමු පිනි කැට උරමින්නේ - සුවදින් මත්වන්නේ
කීචීබීචී ගී කුරුලු නදින්නේ - ලොවක් අවදිවන්නේ
නැගෙනහිරින් හිරු එබෙන නිසානේ - දවස උදා වන්නේ
මොනරුන් සිය පිල් විහිදන්නේ - නැටුමක් නටමින්නේ
සැලලිහිණි ගිරා නද රැවු දෙන්නේ - ගී පද මුමුණමිනේ
හාවුන් කන්දෙක උස්සන්නේ - ලොව තතු අසමින්නේ
ලේනුන් අතු අග පැන යන්නේ - පුවතක් බෙදමින්නේ
අතු අග මල් පෙති පූදින්නේ - රහසක් පවසමින්නේ
ඇල ගං දොල දිය ගලායන්නේ - කෙත් වතු කිරි වදිමින්නේ
නිල් ගොයමින් කිරි බේරෙන්නේ - ගොවි හිත සනසවමිනේ
අප මේ ලෙස ජිවය ගන්නේ - මිහිමවගේ දයා වෙන්නේ
No comments:
Post a Comment