නිහඬ බව බිඳිමින් මගෙන් අදහසක්

ඇත්තටම සෑහෙන කාලයකට පස්සේ .............සිව් මංසලට මොනවත් ලියන්නේ නැතිව ගොඩක් කාලයක් සිව් මංසලට වෙලා හතර දිග් බාගේ අනිත් ඇත්තන්ගේ වැඩ ගැන බලා ගෙන හිටියා. අලුත් අලුත් බ්ලොග් කරුවන් රාශියක් බිහිවෙලා. වෙබ් අවකාශයේ සිංහල අනන්‍යතාවයක් ඇති වෙලා. කාටහරි කියන්නත් දකින්නත් ආඩම්බරයි. අපේ අයට අපේ කියලා තැනක් නේ.

මේ මගේ යෝජනාවක්. ඔයාලගේ අදහස් යෝජනා චෝදනාවලට විවෘතව තමයි ඉදිරිපත් කරන්නේ. අපි අපේ සිංහල බ්ලොග් කියවනයේ බ්ලොග් අඩවි පල කරන කොට පුළුවන් තරම් සිංහල නම් භාවිතා කරමු ද?

මේ ගැන සිතුවොත් ..........

අප යම් රැකියාවක් කරන්නේ අපගේ විවිධ අවශ්‍යතා සපුරා ගැනීමට අවශ්‍ය මුදල් උපයා ගැනීමට බව නොරහසකි. එම මුදල් ඉපයීමට අපට නියමිත කාර්යයන් ඉටු කිරීම අපගේ යුතුකමකි. නමුත් කාර්යාල වල සේවය කරන අපේම අය ඒ ගැන නොසිතා වැඩ කරන එක නම් දරාගන්න අමාරු දෙයක්.

රටේ ආර්ථිකය නඟා සිටුවී‍මට උර දිය යුතු පිරිසක් ලෙස මෙවැනි දේවල් කිරීම නිවැරදිද කියලා ඔබේ හෘද සාක්‍ෂියට අනුකුලව සිතා බලන්න. (හැබැයි ප්‍රශ්නයකට තියෙන්නේ මේවා කරන අයට හෘද සාක්‍ෂියක් නැති එකයි.)

• කාර්යාල වේලා‍වන් තුල පත්තර බලමින් අල්ලාප සල්ලාපයේ නියැලමින් හෝ අන්තර්ජාලයෙන් ටෙලිනාට්‍ය බලමින්( පෙරදා නිවසේදී අධික රාජකාරී නිසා බැලීමට නොහැකි වු ) කාලය ගත කිරීම
• කාර්යාලය තුල අධිකලෙස වැඩ ගොඩ ගැසී ඇති නිසා (නිකරුනේ කාලය ගතකිරීම නිසා)කාර්යාල වේලාවෙන් පසු අතිකාල කිරීම මඟින් වැඩ කොටස නිමකිරීම
• සතියේ දවස් පහකින් වත් නිමකිරීමට නොහැකි වැඩ ඉතිරි වීම නිසා සති අන්තයේ රාජකාරි වල නියැලීම( සති අන්ත පොලට යාම දු දරුවන් පුද්ගලික පන්තිවලට ගෙන යාම ඇතුලත්ව සතිඅන්තයේ ද රාජකාරීවල නියැලීම)
• සතියේ දවස් හතම එක දිගට රාජකාරියේ නියැලීම නිසා මානසික පීඩා ඇතිවීම කාර්යක්‍ෂමතාවය හීනවීම සිදු විම
• පමාවී සේවයට වාර්තා කිරීම, හැකි පමණ නිවාඩු ගැනීම, ගත හැකි සියලු වරප්‍රසාද ලබා ගැනීමට උත්සාහ කිරීම හා යුතුකම් ඉටු නොකිරීම
  

මේවා හැමෝටම අදාල නැහැ. සමහර පිරිස් ඉන්නවා තමන් කරන රාජකාරිය දේවකාරියක් සේ සිතා එය තම හැකි පමණින් උපරිමයෙන් කිරීමට උත්සාහ කරන අයත්. එයාලා නියමිත රාජකාරිය නියමිත වේලාවට ඉටුකරන අතර අතිකාලවල‍ නියැලෙන්නේද එය තම රාජකාරියට ඉටු කිරීමට අත්‍යවශ්‍යම බව හැගුනොත් විතරයි. සතිඅන්තය ඔවුන්‍ යොදා ගන්නේ තම නිවැසියන් සමඟ කාලය ගතකිරීමට. මේ නිසාම ඔවු‍න්ගේ මනස ද නිරවුල්. නැවත සඳුදා දින රාජකාරී කිරීමට මොවුන්‍ එන්නේ ඒ නිරවුල් මනසින්. මේ නිසා කාර්යක්‍ෂමතාවය අතින්ද මොවුන් පොහොසත්.

කොහොම උණත් යහපත් පුරවැසියන් ලෙස තමන් ඉපදුන, ජීවත්වන, රට ගැනත්බිඳක් හෝ ආදරයක් ඇත්නම් අඩුම ගානේ තම දුදරුවන්ගේ අනාගතය ගැනවත් හිතනවා නම් තමන් ලබා ගන්නා වැටුපට අගෞරව නොකර තමන්ගේ නියමිත රාජකාරීයේ නියමිත ලෙස නියැලෙන්න කියලා මම හැමෝටම ආරාධනා කරනවා.

පාසල් නිවාඩු කාලය..............................

ඇත්තටම අපි පාසල් යනකොට නම් පාසල් නිවාඩු කාලය කියන්නේ ඇත්තටම නිවාඩු කාලයක්. ඇල දොළ ගංගා වල කෙළිදෙලෙන් ගෙවන්නට නෑ හිතමිතුරන් ගේ නිවෙස්වලට ගිහිල්ලා නිදහසේ කාලය ගතකරන්නට ලැබෙන අනගි අවස්ථාවක්.

ඒත් දැන් පාසල් නිවාඩු කාලය කියන්නේ අතිරේක පන්තිවලට පුර්ණකාලීනව සහභාගි වෙන්න දෙන නිදහසක්. පහ වසර සිසු දැරියන්ට නම් තවමත් පාසල් නිවාඩුව හිමි නෑ. එයාලට ශිෂ්‍යත්වය ඉවර වෙනකම් කොහෙද නිවාඩුවක්. අඩුම ගානේ නිවැසියන්ගෙන් වත් එයාලට නිදහසක් නැහැනේ.

මේ බව ඔබ සිතුවාද?

පසුගිය කාලයේ ලෝකයේ සිදුවුනු දේවල් දිහා බලන කොට මට මතක් වෙන්නේ ලෝක විනාශය පිළිබඳ කියලා තිෙයන අනාවැකි. එක් අනාවැකිකරුවෙක් කියලා තියෙන්නේ ලෝක විනාශය ක්‍රි.ව. 2012 දී වෙනවා කියලා. බුදු හාමුදුරුවන් දේශනා කරලා තියෙන්නේ ලෝක විනාශය සිදුවන්නේ ලෝක‍ය ජලයෙන් යට වීමෙන් කියලා නේ.

මට හිතෙන විදිහට ලෝක විනාශයේ පෙර නිමිති පහලවන්නේ 2004 සුනාමි ව්‍යවසනයත් සමඟ කියලා.ඊට පස්සේ ලෝකයේ කෙතරම් විපත් උනාද?

චීනයේ සිචුවාන් ප්‍රදේශයේ වුණ මහා භූමි කම්පාවෙන් මිනිස් ජීවිත හැටදහසක් පමණ විනාශ වුණා කියලා කියනවා නේ. මේ දවස් වල එහෙට ගංවතුර. ඇයි ඇමරිකාවේ ප්‍රන්ත දෙකකම ගංවතුර.එයිනුත් විශාල වශයෙන් දේපල ජීවිත හානි සිදුවෙලා. අපේ රටේ පසුගිය කාලයේ කෙතරම් ජීව්ත හා දේපල හානි සිදුවුනාද ගංවතුරෙන්.
මේ විදිහට කවදාවත් අහපු දැකපු නැති විදිහට ස්වභාවික විපත් සිදුවන්නේ ලෝක විනාශයේ පෙර නිමිති ද කියලා මට හිතෙනවා. අනේ මන්දා අපේ අනාගතය...

‍‍මේ බව සිතට ගන්න

මනො පුබ්බංගමා ධම්මා - මනො සෙට්ඨා මනොමයා
මනසා වෙ පදුට්ඨෙන - භාසතී වා කරොති වා
තතො නං දුක්ඛවන්චෙති - චක්කංව වහතෝ පදං

චෛතිසික ධර්‍මයෝ හෙවත් සිතේ ඇති ව න ගතිහු සිත පෙරටු කොට ඇත්තාහු ය. ඒ ගතිහූ සිත ම ශ්‍රේෂ්ඨ කොට පවතින්නෝය. සිතින් ම උපදින්නෝ ය. ඒ නිසා යමෙක් නරක කිලිටි සිතින් යමක් කියත් නම්, කරත් නම්, ගැල අදිනා ගොනාගේ පය අනුව රෝදය යන්නාක් මෙන් ඔහු පසු පස්සේ දුක ලුහුබඳී.

(ධම්ම පදය - යමක වග්ගය)